Klubetik adierazi dutenez, txapelketa "kontakturik gabekoa" izango da, "parte-hartzaile guztiek errugbiaz gozatu dezaten". Parte hartzeko baldintza bakarra 16 urte baino gehiago izatea izango da, eta izen-emate orria maiatzaren 19a baino lehen bete beharko da.
Horrez gain, taldekide bakoitzak bost euroko ordainketa egin beharko du, Bizum bitartez, 606 30 74 21 telefono zenbakian, eta errugbi txapelketako kamiseta bana jasoko dute trukean.
Herritar guztiak animatu dituzte txapelketan parte hartzera. "Giro paregabea izango da, jatekoa eta edatekoa ez dira faltako eta, noski, musika eta sariak ere izango dira", nabarmendu dute ARTko kideek. Azkenik, "errespetuz" jokatzeko dei ere egin dute.
