Leintz Eskola Kirolak-ek antolatuta, 26. urtez egin dute 3x3 saskibaloi txapelketa. Arrasateko Jose Maria Arizmendiarrieta plaza saskibaloi kantxa erraldoi bihurtu dute ekimenaren harira, eta Leintz bailarako LH4tik DBH2ra bitarteko ia 600 ikaslek parte hartu dute bertan, 57 taldetan banatuta.
Goizean, Benjamin (LH4), Alebin (LH5) eta Alebin (LH5-6) kategoriako ikasleek jokatu dituzte partidak; arratsaldean, berriz, Infantil (DBH1-2) kategoriako ikasleen txanda izango da. Guztira 12 txapelketa antolatu dituzte, kategoria bakoitzean hiru: mutilena, neskena eta mistoa. Giro onean eta eguraldi onarekin igaro dute goiza ikasleek, baita haiek ikustera hurbildu diren familia-kideek eta herritarrek ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.