2018an RR emanaldiekin hasitako bidean, hitzak performatzeko ariketaren seigarren aldaera sortu du hernaniarrak: rr_6 erre(AH)ala. Emakume Txokoaren egitarauaren baitan, Arrasaten ere egingo du garaian garaiko gaien inguruan hitzez eraikitako errezitaldia.
Hala definitzen du errezitaldia Maialen Lujanbiok:
"RR, hitzen performantzea da.
Hitz esanak eta kantatuak, ahozkoak eta idatziak, ikusteko eta entzutekoak.
RR emanaldiak, lengoaia du lehengaia, eta hura oretzen eta maneiatzen du forma desberdinetan garaiko gaiez jarduteko.
Maialen Lujanbioren eztarritik, errezitaldi poetiko-bertso-performatibo-irakurri ikus- entzutekoa da RR".
