Espainiako Indoor-Apnea Txapelketa jokatu berri da Gasteizen, eta zilarrezko domina eskuratu du Eider Gutierrez arrasatearrak apneako proba estatikoan, txapeldunorde bilakatuta, bigarren urtez jarraian. Hain zuzen ere, sei minutu eta 47 segundoko marka ondu du, eta, iazko aldiarekin alderatuz gero, gainera, 30 segundo gehiago egin ditu urpean, sei minutu eta zazpi segundoko marka baitzuen aurrez ezarrita.
Euskadiko Apnea Selekzioko partaide da Gutierrez, eta autonomia erkidegoen arteko sailkapenean lehenengo egin du taldeak, Espainiako txapeldun bilakatuta. "Txapelketa balantze positiboarekin itxi zen Euskadirentzat. Oinarri sendoarekin eta garapen bidean dauden promesa gazteekin Euskadi indarra hartzen ari da indoor apnearen panorama nazionalean, eta espero da hurrengo edizioetan are gertuago egongo dela domina orokorra lortzetik".
Euskadiko Apnea Selekzioko kideak, Gasteizen. Irudia: Euskadiko Apnea Selekzioa.
