Gaur, zapatu eguerdian, auzo bazkaria egin dute. 200 lagun inguru batu dira mahaiaren bueltan eguraldia lagun zutela.
Jai batzordeko kideek modu positiboan baloratu dituzte orain arteko ekintzak. Zubia tarteko egonda, jendeak auzotik alde egingo zuenaren beldur egon badira ere, auzoan mugimendua egon dela eta, oro har, ekintzak jendetsuak izan direla azpimarratu digute.
Arratsaldean, Izenbarekuak txarangaren erritmoan, kalejira egin dute auzoan zehar eta eguna borobiltzeko, azken urteetako ohiturari jarraituz, 'The Figueras Fest' musika jaialdiaz gozatzeko aukera izango da. Korda Rota, Malko, Tiburona, Manifa eta Eukz taldeak igoko dira Gudarien Plazako oholtzara.
