Ume hauek Sobietar Batasunean, Frantzian, Erresuma Batuan, Belgikan eta Mexikon bizi izandakoak ekartzen ditu gogora erakusketak. "Horien artean daude: Eskoriatzako Eduardo Gorosarri apaiza eta musikaria, 1937an El Habanan itsasoratu zena 4.000 neska-mutilen tutore moduan; Isaias Albistegi eibartarra, II. Mundu Gerran Sobietar Batasuneko pilotu eta heroia izandakoa eta Angel Etxeberria musikari eta akrobata", azaldu dute Debagoieneko Ezker Kultur Gunetik.
Hiru erakusketatako zikloa
Argazki asko dituzte eta hori dela-eta, hiru erakusleta antolatu dituzte, 80 argazkirekin bakoitza. Maiatzaren 5ean zabalduko dute lehenengoa eta maiatzaren 16ra bitartean izango da ikusgai; bigarrena, berriz, maiatzaren 19an zabalduko dute eta maiatzaren 30era bitartean izango da ikusgai, eta ekainaren 2tik 13ra bitartean egingo dute hirugarrena.
Astelehenetik eguenera zabalik
"Balio historiko eta emozional handia duten" doako erakusketa horietara hurbiltzeko gonbidapena egin du Debagoieneko Ezker Kultur Guneak. Jendaurreko ordutegia astelehenetik eguenera izango da, 18:00etatik 19:30era, Arrasateko Aldai kaleko 9an duten egoitzan.
