Arrasateko Nagusien Kontseiluko kideek zera azaldu dute: "1976tik 1991ra, abokatu lanetan aritu zenean, bere bulegora tratu txarren inguruan hamaika afera etorri zitzaion. Gerora ,1991tik 2021era epaile lanetan arazo horren inguruan hainbat ebazpen eman zituen. 2005tik eta erretiroa hartu arte, Bizkaiko Entzutegian emakumeen aurkako tratu txarren inguruko epaiketa eta helegiteez arduratzen den Saileko partaide izan da".
Ibilbide profesional hori dela eta, azalduko du berrogeita hamar urte horietan zer nolako bilakaera izan duen legediak puntu horretan, "baita gizartearen ikuspegitik aldaketarik izan ote den tratu txarren arazoan ere".
