Zuztarrak Errotuz taldeak, Arrasateko Udalaren laguntzarekin, bi hitzaldi prestatu ditu udaberrirako. Lehena apirilaren 30ean, eguaztena, izango da, Nabarralde erakundeko koordinatzaile Angel Rekalderen eskutik. "Euskal Sorgina: Fikziozko Errelatoa hitzaldia egingo du eta gai horri buruzko klixe eta topiko ugari hankaz gora jarriko ditu", azaldu dute antolatzaileek.
Maiatzaren 7an izango da bigarren saioa. Aitzol Altuna historialari eta Nabarraldeko kideak Nafarroako gipuzkoarren mila urte hitzaldia egingo du Kulturateko areto nagusian, 19:00etan hasita.
