2024ko uztailaz geroztik, Elkartenetekin elkarlanean, Debaldeako anbulatorioetan eta Zumarragako Ospitalean baja emandako inprimagailuak biltzen jardun dute. Ondoren, Tolosaldea Institutuko, Harrobia Ikastolako eta Arizmendi Ikastolako praktiketako ikasleek berregokitu egin dituzte horiek, Vortex Digital Dimension-en laguntzarekin.
"Ikasleen lana ikaragarria izan da, izan ere hamabost ikaslek 160 inprimagailu baino gehiago berreskuratu dituzte egun bakar batean", adierazi dute ikastolako ordezkariek.
Inprimagailuak Afrikara bideratzeko asmoa dute, bereziki Saharako kanpamenduetako eta Senegalgo eskoletan liburuak inprimatzeko erabil ditzaten.
Ikastolako ordezkariak eskertuta agertu dira: "Eskerrik asko jarduera honetan parte hartu duten ikasle eta lantalde osoari!".
