Debagoieneko Ezker Kultur Gunearen aurrean izan den ospakizuna hasteko, Sumar alderdi barruan Ezker Anitza-IUren legebiltzarkidea eta Euskadiko Alderdi Komunistako presidentea den Jon Hernandezen hitzak jarri dituzte. Espainiako II. Errepublikaren onurak gogoratzeaz gain, hirugarren errepublika bat eskatu du Hernandezek, baita gerraren kontrako mezua igorri ere.
Horren ostean bandera errepublikano handi bat jaso dute ereserki errepublikanoa entzun bitartean. Behin igotakoan, haizeak gehiegi lagundu ez duen arren, Espainiako II. Errepublikaren aldeko aldarriak bota dituzte bertaratu diren alderdikideek. Mokadutxo bat eginez borobildu dute ospakizuna.
Gaurko ekitaldia aprobetxatu dute, era berean, iragartzeko Aste Santua eta gero Gerrako umeen inguruko argazki erakusketa bat zabalduko dutela Debagoieneko Ezker Kultur Gunean bertan.
