LABek adierazi duenez, Ekideko 15 langileri eragingo zien EEE bat aurkeztu zela jakin zuenetik, enpresak hartutako "aldebakarreko" erabaki horren aurka agertu zen, eta "lehen momentutik", EEE erretiratzeko eta kaltetuen zerrenda "boluntarioez" osatzeko prozesua abiarazteko eskatu zion enpresari.
"Argi geratu da enpresak ez duela inor ezer negoziatzeko borondaterik erakutsi, eta lege-eskakizunak betetzera mugatu da", salatu du. Gehitu dutenez, aipagarria da langileen bi ordezkari kaleratu izana, "enpresa batzordea indargabetzeko ahalegin betean".
LABek aldarrikatu du ez dituela kaleratzeak onartuko, eta horien kontra eta "enpresaren etorkizunaren alde" jarraituko duela.
