Euskaraldirako herria apaintzeko euskarriak sortuko dituzte zapatuan

Hilabete barru abiatuko dute ariketa soziala eta, horren harira. Arrasate Euskaldun Dezagun elkartean (AED) herria apaintzeko euskarriak sortzen arituko dira zapatuan, 11:00etan hasita, elkartean bertan: kartelak, pankartak, marrazkiak eta bestelakoak egingo dituzte. "Gosaria ere egongo da, beraz, etor zaitez!", diote. Izena emateko eta materiala erosteko aukera ere egongo da.