Aste Santuko oporrek eragina izango dute Kooltur Ekimenak taldeak Arrasateko gaztetxean eguenetan antolatzen duen musika zikloaren baitan; hori horrela, bi emanaldi bakarrik izango dira apirilean. Bi emakume izango dira datorren eguenean taularen gainean: La Otra & Jhana Beat.
La Otra & Jhana Beat
Bi emakume izango dira gaur, eguena, taularen gainean: La Otra & Jhana Beat. 2011n abiatu zuen La Otra izeneko proiektua Isabel Casanova kantautoreak, eta, harrezkero, hainbat disko kaleratu ditu. Iaz argitaratu zuen Vuelve diskoa aurkeztuko du Arrasateko gaztetxean eta Jhana Beat beatboxer-a eta ekoizlea izango du lagun, "hitz sakonen, erritmo limurtzaileen eta emozioz beteriko zuzenekoan".
Rodeo, datorren astean
Eskualdean sarritan izan den Zestoako Rodeo laukote rockzaleak hartuko du lekukoa apirilaren 10ean. Ohi moduan, emanaldiak 22:00etan hasiko dira eta sarrera zazpi euro da.
