Munduko memoriatzaile azkarrena den Ramon Campayo Arrasaten izan da 'masterclass'-a ematen

Amaia Txintxurreta Guridi 2025ko api. 2a, 18:40

Ramon Campayo hitzaldia ematen, Garaian.

Azkarrago buruz ikasteko gakoak ematen eta bakoitzak bere buruari ahalik eta etekin handiena nola atera ahal dion ikasteko, masterclass-a ematen izan da munduko memoriatzaile azkarrena den Ramon Campayo, Garaia Parke Teknologikoan.

Guztira, 49 lagunek eman dute izena Euskadiko suhiltzaileen QTH SUTAN eskolak antolatutako masterclass-ean. Ramon Campayo ikasketa tekniketan, entrenamendu mentalean eta irakurketa azkarrean nazioartean erreferente dela kontuan hartuta, oposaketak prestatzen ari direnentzat pentsatutako ekitaldia izan da, baina aldi berean, erabilgarria izan da baita ere ikasteko edo burua entrenatzeko modua hobetu nahi izan duenarendako.

Campayok urteak daramatza milaka pertsonari irakasten azkarrago buruz ikasten, zentzuz ikasten eta bakoitzak bere buruari ahalik eta etekin handiena ateratzen irakasten, eta horretan izan da Arrasaten.

Hitzaldian izan diren herritarrak adi, Campayo esaten ari dena entzuten.

Euskadiko suhiltzaileen eskolak antolatuta

QTH Sutan Euskadiko suhiltzaileentzako oposizioen prestakuntza integralean espezializatutako online eskola bat da, eta ikuspegi "praktikoa eta emaitzetara bideratua" ematen du. Euren helburua da oposiziogileei "laguntza zorrotza eta eskuragarria" ematea, eta, horregatik, antolatu dute masterclass-a.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak