12 urte beherako haur eta gazteei zuzendutako ekintzak egingo dituzte zapatuan, Musakolako Haur eta Gazte Egunaren baitan. Honako hau da egitaraua:
- 11:00etan, aurpegiak margotzeaz gain, puzgarriak eta askotariko jolasak adin guztientzat.
- 14:00etan, bazkaria: makarroiak, solomoa eta jogurta.
- 16:00etan, puzgarriak.
Ekintzak doakoak izango diren arren, izena eman beharko da, plazak mugatuak baitira. 11:00etatik 12:30era bitartean eman beharko da izena, han bertan. Bestalde, jateko laguntza behar duten haurrak guraso edo laguntzailearekin joan beharko dira. "Jolas dibertigarriak prestatzen gabiltza eta oso giro ona egongo da. Auzoko haur eta gazteak joatera animatzen ditugu!", adierazi dute jai batzordetik.
Leku duin bat behar dute
Batzordetik aldarrikapen bat egiteko baliatu dute. "Lana izan dugu horrelako ekintza bat aurrera ateratzeko beharrezko baldintza guztiak betetzen duen leku bat aurkitzen. San Antolingo estalpea eta eremuak ematen zigun guztia galdu genuenetik, mugatuta gaude ekintza askotan. Eremu estali duin bat beharko genuke Musakolan, askotariko zerbitzuak dituena", adierazi dute.
