MU eta Valle de Egues taldeen partiduko lehenengo zatia 13-20ko puntuazioarekin amaitu da Iturripen. Bigarrena ere galtzen bukatu dute etxekoek (29-41). Hirugarren zatian, markagailuan parekatuago jartzea lortu dute (49-53), eta laugarrena izan da erabakigarria.
Markagailua 56ra berdindu dute eta partidua amaitzeko bost minutu falta zirenean, 61-65eko puntuazioarekin jarri dira. Dena den, bi minuturen faltan, buelta eman du berriz markagailuak; 70-69ra jarriz.
Azken minutuak tentsio handikoak izan dira, minutu baten faltan puntu bakarreko aldea zeukatelako markagailuan, baina azkenean 77-75 liderra mendean hartzea lortu du MU-k.
