Udaberriari ongietorria eginez, zapatuan, hilak 22, 'Herria kantari' jaialdia egingo du Arizmendi ikastolak. Herriko Plazan elkartuko dira lau taldeak goizeko 12:00etan, eta ekitaldiari hasiera emango diote aurkezpenarekin eta talde argazkiarekin. Talde bakoitza bi guneetan arituko da katuan, 12:30ean lehenengo gunean eta 12:45ean bigarren gunean. 13:00etan Herriko Plazara itzuliko dira (euria egiten badu, Kulturolako aterpean), talde bakoitzak abestu ostean, Idoia Asurmendiren Hitzetan kantua abestuz emango diote amaiera ekitaldiari.
Eguraldiaren araberako bi ibilbide
Eguraldiaren araberako bi ibilbide desberdin antolatu dituzte. Hala nola, Euria egiten ez badu ondorengo ibilbide hau jarraituko dute: Arotz plaza, Arbolapeta, Portaloia, Garibai Etorbidea (Iturbide egoitza parean), eta amaiera Herriko plazan izango da. Euria egiten badu, aldiz, Taupa tabernako arkupeak, Jokin Zaitegi plaza, Parrokiako Arkupea, Biteri plaza, eta Kulturolako arkupean bukatuz.
Emakumeek sortutako kantak
Goizean zehar emakumeek sortutako kantak nabarmenduko dira: Hitz debekatuak (Maider Zabalegi), Ilargi berriak (Neomak), Elektrizitatea (Zea Mays), Dena aldatzen da (Ines Osinaga), besteak beste.
