Uarkapeko frontoiko beheko solairuan kokatzen da boulderra eta berritze-lanak amaitu zabalik da erabilera kirol zerbitzuko bazkideentzat. "Urte askotako mantenu faltaren ondorioz, egoera txarrean eta zaharkituta aurkitzen zen boulderra. Horren adierazle ziren egoera txarrean zeuden presak –batzuk puskatuta eta beste batzuk solte–, panelatua… Honek segurtasun arazoak sortu izan ditu azken urteetan, eta erabiltzaileen hainbat kexa sortu ditu", azaldu du Kirol batzordeko buru Mikel San Miguel zinegotziak.
Ia 48.000 euroko inbertsioa
Udalak jakinarazi du itxura eraberritua hartu duela Uarkapeko rokodromoak. "Panelatu berria jartzearekin batera, maila guztietarako boulderra jarri da oraingoan, ekipamendu berriarekin eta argiztapen berriarekin. Gehiegizko extraplomoak –bertikaletik haratago doan horma-zatiak– murriztu dira. Modu horretan, gunea eskaladako hastapen, erabiltzaile eta ikastaroetarako egokitu da".
Xehetasun gehiago eman dituzte udaletik: "Instalatu diren presek eskaladako egitura artifizialetarako UNE-EN 12572-3 Europako araua betetzen dute. Besteak beste esku-presak, oin-presak eta zurezko bolumen berriak jarri dira".
Aurrekontua, BEZ barne, 47.929,31 eurokoa ian da. Urkizu Agirretxe Ioseba eta Beste Bat O.E enpresak egin ditu lanak.
