Euskaldunon hizkuntza eskubideen aldeko Arrasateko protokoloa-k "elkartasun osoa" adierazi dio erasoa jasan duen herritarrari. "Gogor salatzen dugu agentearen jarrera. Euskararen kontrako oldarraldi ideologikoaren ondorio garbia da, guztiz arbuiagarria eta dagokien erakundeen aldetik erantzun irmoa eskatzen duena", azaldu dute, ohar bidez.
Horrez gain, eraso euskarafoboen aurrean, "tinko" erantzutera animatu dituzte euskal herritarrak. "Tokian tokiko euskalgintzara edo Behatokira jo eta jasandako erasoa edota hizkuntza eskubide urraketa salatzera joan zaitezte. Garbi izan dezagun euskaldun gisa eskubide osoa daukagula euskaraz aritzeko eta zerbitzu publikoetan euskaraz artatuak izateko. Euskaraz bizi nahi dugu eta horretara goaz", bukatu dute.
