Oraingo asteburuan MUko ordezkariek, bai LF2ko neskek, baita Hirugarren FEB mailan dauden mutilek, ez dute Aratusteez gozatzeko tarte handirik
izango, domeka arratsaldean hitzordu bana dute-eta Iturripen. Gainera, bi taldeek egoera nahiko antzerakoan egingo diote aurre jardunaldiari. Batetik, David Peñaren neskak izango dira Iturripen arratsaldea berotzen hasteko ardura izango dutenak, 16:00etan hartuko dute-eta Kataluniatik datozen Romakaruma Mataro taldekoak. Arrasatekoek, joan den astean Ibaizabali irabazita (52-64), 26 puntu batu dituzte, eta bederatzigarren daude sailkapenean. Bada, puntu bat gutxiagorekin, hamargarren postuan dago Mataro taldea –joanekoan 68-64 gailendu ziren katalanak–.
Gizonezkoak, antzera
Gizonezkoen talde nagusia ere garaipen batekin itzuli zen joanden astean Tabirako Baqueren kantxatik (76-81); sailkapeneko azken sailkatuari ez zioten ezustekorik emateko aukerarik eman, nahiz eta etxetik kanpora ez dagoen partidu errazik. Horrek azken bi jardunaldietako porrotei buelta emateko aukera emandie, eta domekan (18:30), bi puntu gehiago dituen Los Arcos Solaresen kontra jokatuko du Julen Barrocalen taldeak –joanekoan 64-49 galdu zuten arra-
satearrek–.
