Arrasateko taldeak hasierako minutuetatik gogor ekin dio erasoari, Donostian Atletico San Sebastianen aurka galdu egin zuten-eta Julen Barrutiaren mutilek. Lehenengo entsegua Kanpanzar Arrasatek lortu du, baina jarraian Atletico San Sebastian taldearena heldu da. Bazirudien norgehiagoka joan-etorri bat izango zela, baina etxeko taldeak esperientzia eta gogoa erakutsi du berdegunean, eta atsedenaldira 21-7 aurretik joan dira zuri-moreak.
Bigarren zatia hasi bezain laster beste entsegu bat lortu dute etxekoek, eta defentsan oso-oso sendo aritu dira 47-14koa jartzeko. Hurrengo jardunaldian atseden hartuko dute Barrutiaren mutilek, eta hurrengo hitzordua, Elorrioren aurka, ligako liderraren aurka, izango dute.
