Hamabi borrokaldiz osatutako boxeo jaialdia egingo dute Uarkapen martxoaren 7an. Horietako hamar izango dira amateur mailakoak eta bi, aldiz, neoprofesionalenak. Gainera, Aitzol Ovejero eta Manex Bergoa arrasatearrak ariko dira borrokan. 21:30ean hasiko da lehen borrokaldia eta 21:00etan irekiko dituzte ateak. Aurrez, 19:30ean, pisaketak egingo dituzte Iluntz tabernan.
Sarrerari dagokionez, momentuan bertan, leihatilan, 25 euro balioko du. Edozelan ere, aurrez erosteko aukera ere izango da, Rumba, Taupa, Osorik eta Iluntz tabernetan, 20 eurotan.
