Zapatuko saioan hiru sari banatuko dituzte. Irabazleak bazkari bonua eskuratuko du Irati tabernan, baita iberiar paleta eta Iratiko hornitzaileen produktuekin osatutako saskia ere. Bigarren eta hirugarren sailkatuek, halaber, Iratiko hornitzaileen produktuekin osatutako saskia eramango dute etxera.
Arrasateko bikote irabazlea Gipuzkoako kanporaketara sailkatuko da eta martxoaren 22an jokatuko dute hori. Ondoren, Euskal Herriko XVI. Mus Txapelketako finala apirilaren 5ean jokatuko dute Gopegin (Zigoitia, Araba).
