Hileko hirugarren zapatuan egiten dute azoka Seber Altube plazan, 09:00etatik 13:30era bitartean, eta asko izan dira gaur hara gerturatu diren herritarrak, eguraldia lagun. Gazta, ogia, gozoak, hestebeteak eta eztia zituzten, besteak beste, sagai ekoizleek, eta han izan dira artisauak ere.
Horrez gain, Ekoudalatxen eskutik, sendabelarrez egindako botikak egin dituzte, bi formatutan: batetik, sistema immunea indartzeko tintura, eztarriko infekzioak, narritadura, eztula eta hotzeria saihesteko eta tratatzeko baliagarria dena; eta bestetik, jatorri naturaleko osagaiekin ondutako jarabe naturala, eztularen eta hotzeriaren sintomak arintzeko.
