Irune Berasaluzek, Gipuzkoako Foru Bozeramaileak, adierazi duenez, Arbizelaiko zubia konpontzeko lanak egingo dituzte AP-1ean, Arrasaten. Haren hitzetan, aldizkako ikuskapenetan egituran antzemandako "kalteak" konponduko dituzte lehen fasean, eta bigarren estribua indartzeko asmoa ere badute, "taularen egungo euskarrien ordez euskarri berriak jarriz eta dauden bielak biela berriekin aldatuz". Konponketa horiek guztiak –eta gehiago–, gainera, zirkulazioa eten gabe egingo direla ohartarazi du, baina zeregin jakin batzuetan trafikoa pasabide baten bidez desbideratuko dela kontrako galtzadan.
Arbizelaiko zubia konponduko dute AP-1ean
Gipuzkoako Foru Aldundiak jakinarazi duenez, obren lehenengo fasearen lizitazioa egingo dute orain, eta 1.331.124 eurokoa da aurrekontua; gauzatze-epea, berriz, zazpi hilabetekoa da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
