Amaidolua elkarteko presidentea da Maite Urzain, eta martitzeneko hizlarietako bat izango da. Azaldu duenez, aurretiazko dolua ere dolua da: "Pertsona hil baino lehen egiten dugun dolua da. Hau da, pertsona hori gurekin egon daiteke, baina harekin geneukan harremana ez, adibidez, alzheimerraren kasuan. Askotan jendea ez da kontziente dolua egiten ari dela, alboan duen hori ez delako hil".
Esan moduan, Amaidolua elkarteak antolatu du hitzaldia, San Felipe Elkarlaguntzaren, Afagiren eta Arrasateko Udalaren laguntzarekin.
