Gema Lopez Las Herasek irabazi du, bigarrenez, Jokin Zaitegi saria. Halaxe erabaki du Xabier Etxeberriak, Joannes Jauregik eta Leire Vargasek osatutao epaimahaiak, aurkeztutako lan guztien artean hautatuta. Beraz, iazko urte amaieran Suediako Akademiak Nobel saridun izendaturiko Han Kang idazle korearraren Barazkijalea eleberria euskaratu beharko du itzultzaile azkoitiarrak, eta 2025 urte amaieran emango du argitara Elkar argitaletxeak. Itzultzaileak Sora Ryu korear euskaldunaren laguntza izango du jatorrizko hizkuntzaren ezagutza eta itzulpenaren bermea ziurtatzeko.
Duela bi urte ere, azkoitiarrak irabazi zuen saria, eta Annie Ernaux idazle frantsesaren Emakume izoztua euskaratu zuen horri esker.
