Lau saio egingo dituzte guztira, martitzenetan, 18:00etatik 20:00etara. Izen-ematea zabalik dago.
Askotariko solasaldiak egingo dituzte: Komiki Klubekoek Yo no soy Mikel Laboa liburuari buruz jardungo dute, urtarrilaren 15ean, 18:00etan, Joseba Larratxe gonbidatuta; ingelesezko taldean Breakfast at Tiffany's aztertuko dute, urtarrilaren 21ean; gaztelerazkoek La plaza del diamante, hurrengo egunean; eta euskarazko taldean, Ulu egiteko bolondres bila, urtarrilaren 30ean.
Bi ipuin kontaketa ere izango dira: Odei Arregik Ipuin lotsatiak izeneko kontaketa egingo du lau urtetik gorako haurrentzat Kulturateko Jokin Zaitegi gelan, urtarrilaren 23an, 18:00etan hasita eta Besoetako ipuinak izeneko kontaketa egingo du Ana Pikak 3 urte bitarteko haurrentzat Santa Marina auzo bibliotekan, urtarrilaren 30ean, 18:00etan hasita. Aurrez izena eman behar da.
