Ohi bezala, bertako produktuen azokarekin batera egingo dute Zuhaitz Eguna Arrasaten, urtarrilaren 18an. Hala, mintegiek Seber Altube plazan jarriko dituzte postuak 08:00etatik 14:00etara. Aurten parte hartuko dute sei mintegi honako hauek dira: Areitio (Zaldibar), Belar (Zaldibar), Natura Baso Mintegia (Arrazua-Ubarrundia), Lurberry (Zarautz), Ekoudalatx (Arrasate), Euskal Herriko hazien sarea (Gasteiz) eta Murueta Mintegia (Murueta).
Denetarik egongo da: fruta arbolak, koniferoak, basoko landare autoktonoak, lorategiko landareak, eta basoko fruitu txikiak, zigilu ekologikoarekin. Gainera, bi zuhaitz sorta zozketatuko dituzte erosleen artean.
Landaketa, otsailean
Zuhaitzak landatzeko garaia negua denez, Zuhaitzaren Egunaren bueltan antolatzen da zuhaitz landaketa herrikoia. Aurten, hala ere, otsailean egingo dute, azken lau urteetan moduan, Etxezarretako lur eremu zabalean. Xehetasun guztiak datozen asteetan jakinaraziko dituzte, herritar guztiei zabalik egongo baita izen-ematea.
