84 urteko emakume bat hil zuten joan den egubakoitzean, urtarrilaren 3an, eta haren semea espetxean sartu dute, ama hil izana leporatuta. Hala, aurten Euskal Herrian gertatu den lehen hilketa matxista da.
Hain zuzen, hilketa matxista hori salatzeko elkartu dira Debagoieneko hainbat herritan, hala nola, Bergaran, Aretxabaletan eta Elgetan. Arrasateren kasuan, Herriko Plazan egin dute mobilizazioa. Deitzaileek azaldu dute "nazkatuta, nekatuta eta haserre" hasi dutela urtea. Era berean, emakumeak soilik emakume izateagatik erailtzen dituztela salatu dute eta, "errealitate gordin horri aurre egiteko, urgentziazko mekanismoak" eskatu dituzte.
Barakaldoko erailketa matxista salatzeko Elgetan egindako elkarretaratzea.