0-8 urte arteko haurrak dituzten familiek elkar ezagutzeko eta elkarrekin jolasteko aukera bat da Familian jolasean ekimena, "aniztasuna kontuan hartuta eta euskararen transmisioaren garrantzia azpimarratuta", udal ordezkariek azaldu dutenez. "Asmoa da neguko domeketan espazioa, denbora eta hitzordua eskaintzea familiei, elkarrekin partekatzeko jolasa eta kalitatezko aisialdi hezitzailea". Hala, Txatxilipurdiko bi hezitzaileren laguntza egongo da, saioak dinamizatzeko eta familiek behar duten informazioa emateko.
Honako hauek dira hitzorduak: urtarrilaren 12an, 19an eta 26an; otsailaren 2an, 9an, 16an eta 23an; eta martxoaren 2an, 9an, 16an, 23an eta 30ean. Lekuari dagokionez, Okendoko ludotekan izango da, otsailaren 23an eta martxoaren 30ean izan ezik. Otsailaren 23an Santa Marinako ludotekan egingo dute eta martxoaren 30ean, aldiz, Usaetxeko ludotekan.