Urtarrilaren 20an zabalduko dute epea Arrasate-Udalatx mendi lasterketan izena emateko. Hilaren 20tik –00:00etan– 26ra –23:59ak arte– eman ahal izango da izena kronoak.com helbidean. Nortzuk lehiatuko diren, baina, zozketa bidez erabakiko dute. Otsailaren 8an egingo da zozketa hori eta modu horretan banatuko dituzte 400 dortsal izena eman dutenen artean.
Zozketa egin ostean, parte-hartzaile hautatuen zerrenda Mondraitz.eus webgunean argitaratuko dute. Arrasateko biztanleentzat 100 dortsal gordeko dituzte eta herrikoen artean aurreko zozketa bat egingo dute. 2025eko Arrasate-Udalatx mendi lasterketa apirilaren 13an izango da.