Errege Magoek desfilea egingo dute beste urte batez Arrasaten; aurten, ordea, herriko kaleak hartu aurretik, zenbait urteren ondoren, Iturbide egoitzara joango dira, han izango diren adineko pertsonei opariak banatzen arituko baitira 17:00etatik aurrera.
Horrez gain, antolatzaileek jakinarazi dute desfilerako jendea behar dutela, eta abade-etxean izango direla gaur, bihar eta etzi, 17:30etik 18:30era bitartean, parte hartzeko prest dauden herritarrei harrera egiten.
Trafikoan eragina
Udaltzaingoaren hitzetan, Kontzezino, Gipuzkoa Etorbidea eta Otalora Lizentziaduna kaleetan trafiko mozketak izango dira 18:30etik 20:30era.
