Aurreskua dantzatu diote eta bertsoak abestu dizkiote. Josefina Salegik ez zuen espero eta ekitaldi hunkigarria izan da. Urte asko izan dira barraren atzean, eta eskainitako goxotasuna eta arreta eskertu diote gertukoek Salegiri.
Gaur itxiko ditu ateak Branka tabernak. Hauek izan dira Salegiri abestu dizkioten bertsoak:
Finari bere jubilazio egunean!
Berrogeitalau urte jadanik
Hasi zela abentura
Kosta atzean utziz Arrasatera
Jose Marikin gustura!
Hainbeste urtetan gure artean
Izan zaitugu Fina,
Ez dau durarik zara emakume
jatorra ta oso fiña!
Branka izan da, egunez egun
Taberna bat 'de elite'
Bezero asko jatorrak eta
beste batzuk satelite!
Txoko honetan lau hamarkadaz
Zenbat berba, ardo, zirri,
Horma hauek berba eginez gero
asko geundeke urduri!
Fase berri bat hastera zoaz
Denbora gehiagorekin
Nahi duzuna egin ta disfrutatu
Manex eta Maddirekin!
Bezero eta lagun ugari
Gabiltza zuri kantatzen
Aurrerantzean zoriontsu izan
Hori dugu desiatzen!
