BIZI BAE proiektuaren baitan, trizikloak Iturbide egoitzara iritsiko dira zapatuan. Hiru boluntariok gidatutako hiru triziklo egongo dira ibilaldian, eta sei egoiliarrek izango dute parte hartzeko aukera. "Jarduera horrekin, egoitza-zentroetan bizi diren adinekoak beren komunitatearekin konektatzen dira berriro, esparru iraunkor, osasungarri eta berdintasunezko batetik, errespetua sustatuz eta belaunaldien arteko harremanak ehunduz", azaldu dute antolatzaileek.
Bigarren urtez jarraian, Gipuzkoako Foru Aldundiak eta Bizikletaz Adinik Ez elkarteak hitzarmen bat sinatu dute lurraldeko hemeretzi egoitzatako 160 pertsonak trizikloan ibilaldiak egiteko aukera izan dezaten. Ekimen hori Gipuzkoako hamalau udalerritara iristen da, eta 130 egoiliarrek baino gehiagok haien udalerrietako kaleak trizikloetan zeharkatzea ahalbidetzen du, BAE Donostiako 60 boluntariok baino gehiagok gidatuta.
Aurtengo edizioan parte hartuko duten udalerriak honako hauek izango dira: Bergara, Irun, Hondarribia, Eibar, Elgoibar, Arrasate, Andoain, Lasarte, Donostia, Beasain, Segura, Villabona, Azkoitia eta Zumaia.
