Kooltur Ostegunak ekimenaren baitan, Gasteizko talde beteranoa iritsiko da gaur, eguena, Arrasateko gaztetxera. 22:00etan izango da emanaldia eta sarrera zazpi euro da.
The Dealers Gasteizko talde beteranoa da, bere ibilbidean hainbat gorabehera izan dituena, baina betidanik estatu mailan 60ko hamarkadako rocka aldarrikatzen erreferentea izan dena. Haien kantutegian, garagea, psikodelia, beata, rock-and-rolla, popa eta bestelakoak daude.
Orain, isilune luze baten ostean, Tabula Rasa izeneko lan luzea kaleratu dute, ingelesa, euskara eta gaztelania tartekatuta, eta kritika ezin hobeak jaso ditu nonahi.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
