6.000 egutegi banatuko dizkie Udalak herritarrei

Bigarren urtez, 6.000 egutegi banatuko ditu Arrasateko Udalak herritarren artean. Egutegietan jasotzen diren argazkiak, hain zuzen, udan Artgazki elkartearekin elkarlanean abiatutako argazki lehiaketaren irabazleak dira, eta irabazleei sariak banatzeko aprobetxatu zuten atzoko aurkezpena.

Egutegiak doakoak dira eta dagoeneko eskuratu daitezke, herriko dendetan eta tabernetan eskatuta. Horretarako, izen-ematea ireki zuen Udalak, eta 90 negozio txikik hartuko dute parte banaketan –zerrenda osoa, behean–.

Hala, egutegien banaketa "herritarren eta komertzio txikiaren artean harremana estutzeko" baliatu gura dute, "auzoan edo inguruan ditugun komertzio txikiak herritarrarengana gerturatzeko, eta komertzio txikiak zer eskaintza duen jakin eta horiek ezagutzera emateko".

Arrasatetik eta Arrasaterako

Egutegiek, Arrasateko jaiegunak jasotzeaz gain, bestelako kirol, kultura eta ospakizunak jasotzen dituzte; besteak beste, honako hauek: sanjuanak, Aratusteak, Maritxu Kajoi, santamasak, auzoetako jaiak, Arrasate-Udalatx, Musakola BTT, errugbi taldearen garagardo festa, Mondranbike, San Silvestre proba, Mondra&Roll jaialdia, Oreixe Akustikoa, Gaba Baltza, Olentzeroren irteerak, Euskararen Eguna, Euskaraldia eta Aberri Eguna. Horiez gain, ilargi-egutegia, tenporen egutegia eta urtaro aldaketen egunak ere jasotzen dituzte.

Saria bederatzi argazkilarirentzat

Bederatzi irabazle izan ditu Udalak eta Artgazkik elkarlanean antolatutako lehiaketak, eta 150 euroko saria jaso du horietako bakoitzak. Azaleko argazkia, esaterako, Anibal Carmonarena da; urtarrilekoa, Miguel Angel Puenterena; otsailekoa, Unax Otegirena; martxokoa, Fernando Unanuerena; apirilekoa, Aimar Elortzarena; maiatzekoa eta irailekoa, Aritz Gordorenak; ekainekoa eta urrikoa, Aitor Arrutirenak; uztailekoa eta abendukoa, Jon Alzarenak; eta abuztukoa eta azarokoa, Juan Luis Elizaranenak. "150 euroz gain, herriko etxeetan haien argazkiak ikustea ere saria izango da".

Emakumeen parte-hartze txikia

Jasone Giraldo zinegotziak azaldu duenez, "nabarmen" harritu ditu argazki lehiaketan parte hartu duten emakume kopuru txikiak. "103 argazkietatik soilik hamahiru argazki izan dira emakumeek eginak. Honek, ezinbestean, hausnarketa bat egitera eraman behar gaitu, eta dagoeneko jarri gara harremanetan Emakume Txokoarekin, datozen edizioetan emakumeen parte-hartzea nola handitu dezakegun aztertzeko".

Honako establezimendu hauetan banatuko dituzte egutegiak:

ERDIGUNEAN

1. M.L.Ileapaindegia
2. JG IMPRESION DIGITAL
3. Zubia Oñetakoak
4. ELENA MODA
5. Adrara ileapaindegia
6. Peluquería Richi
7. Bar doke
8. Ausart Ileapaindegia
9. PORTALOI OPTIKA
10. Nahi taberna
11. BAR KAJOI
12. Luko jantzidenda
13. Resusta-Karrikiti
14. TOKION
15. Alegria loteria - Admon nº1 Arrasate
16. ennea
17. KILI KOLO
18. TTUKUN
19. Angela estetika zentroa
20. EYG ILEAPAINDEGIA
21. Forumsport
22. BEGIA OPTIKA
23. INTERSPORT LORAMENDI GARIBAI
24. EYA Altzariak
25. Buart loradenda
26. Inmobiliaria Anboto
27. ITZALA TABERNA
28. Laztana
29. Hamalau kafetegia
30. Bea Lentzeria
31. Txuri-beltz
32. Izozkitegi
33. Karibu
34. OSKAR VITORIA BITXITEGIA
35. Okoretegi
36. eiie
37. Lencería Larrea
38. Izadi 2
39. Sampry
40. ARRASATE OPTIKA OPTOMETRIA ZENTRUA
41. farmacia Blanca JUNCAY
42. JOSE ANTONIO - ileapaindegia
43. ALTUNA LURRINDEGIA
44. cafeteria express
45. IZPI
46. FELI JANARIDENDA
47. Eskuz
48. otamendi harategia
49. Allure estilistak
50. MARKIEGI
51. Beinke
52. SIKOL LENTZERIA
53. Sustrai Frutak
54. ERREKAMENDI
55. Pescaderia Eguren
56. ELKORO OSAGARRIAK
57. Josle
58. Tipi-Tapa
59. Saburdi Harategia
60. MULTIOPTICAS (OPTICAS LARRAÑAGA S.L.U.)
61. Izadi sebero belardenda
62. Sane Fisioterapia
63. Garraxi
64. Jaio farmazia
65. Goiener
66. GARE LORADENDA
67. LASAGABASTER
68. IARAN ILEAPAINDEGUIA

ELMA

1. 19/90 Gastroteka
2. Kids&Us Arrasate
3. Amaia Albes

MUSAKOLA

1. Jubilatuen etxea Musakola
2. Iluna
3. EXPERT ELKORO
4. Yael ile-apaindegia
5. BZ SISTEMAS

SAN ANDRES

1. kapikua
2. Lennon taberna
3. Bar Nuevo
4. LIZARRALDE KIROLAK
5. INTERSPORT LORAMENDI SAN ANDRES
6. Edertu
7. ESTACION DE SERVICIO ARRASATE
8. Ontzidenda
9. Etxaluze - Jubilatuen etxea San Andres

UDALA AUZOA

1. Larrinetxe jatetxea
2. Uxarte

URIBARRI-ERGUIN

1. Sumendi
2. KORINTO
3. Jubilatuen etxea Erguin
4. MALLALDE KAFETEGIA-OKINDEGIA
5. HILARION RESTAURANTE

SANTA MARINA

1. Jubilatuen Etxea Santa Marina