Ludoteketan, abenduaren 26an, 27an eta 30ean egingo dituzte ekintza bereziak, 3 eta 11 urte arteko haurrei zuzenduta. Ekintzak goizez gauzatuko dituzte, 10:30etik 13:00etara. Honako hauek dira:
- Abenduak 26, eguena, sukaldaritza tailerra hiru ludoteketan.
- Abenduak 27, egubakoitza, Arrasateko Erraldoi eta Kilikien konpartsara bisita.
- Abenduak 30, astelehena, mendi irteera (eguraldi txarrarekin eskulan eta sormen tailerrak).
Gaztelekuan, berriz, abenduaren 26tik 30era izango dira ekintzak, 12 eta 17 urte arteko nerabeentzako. Horiez gain, hainbat irteera ere antolatu dituzte:
- Abenduak 26, eguena
- Goizez 11:00-14:00 Zianotipia tailerra.
- Arratsaldez 16:00-19:00 Muralgintza, Lexuren eskutik.
- Abenduak 27, egubakoitza, 10:00etatik 18:00etara, irteera Zumaiako Plaz-erA Ihes Gelara.
- Abenduak 28, zapatua, 11:00etatik 19:00etara, elurretara txangoa.
- Abenduak 29, domeka, 11:00etatik 19:00etara, Lasertag.
- Abenduak 30, astelehena, 17:00etatik 21:00etara, urteari agur festa.
Izena eman behar da
Ekintzetan parte hartzeko izena eman behar da, eta irteeretarako guraso edo tutoreen baimena beharrezkoa da. Ludoteketako ekintzetan parte hartzeko abenduaren 18a baino lehen eman beharko da izena eta gaztetxokoetako ekintzetan parte hartzeko, abenduaren 19a izango da azken eguna.
Izena emateko, honako bide hauek daude: online, Gazte Bulegoan, gaztetxokoetan, gaztelekuan edo zerbitzuetako sare sozialetan.
