Intxorta 1937 Kultur Elkarteko kideak "pozik" daude Durangoko Azokan izan duten harrerarekin. Haien esanetan, erakusmahaian egoteaz gain, hiru liburu aurkeztu dituzte egun hauetan, eta 112 lagun bildu dira aurkezpen horietan; Tortura Arrasaten, genero ikuspegitik da aurkeztutako lanetako bat, eta ikusgai dago Youtuben.
36ko gerrako haurren izenak, izanak eta aurpegiak jasotzea ere badute helburu elkarteko kideek, Euskal Herrikoak osatzeko, eta jakinarazi dute 24 kontaktu egin dituztela egun hauetan. Are gehiago, salmentei dagokienez, irabaziak erdietsi dituzte: 149 liburu saldu dituzte eta Orratz Begia izan da salduena.
