Ozenki elkarteak antolatuta, Amaia antzokian egingo dute emanaldia, abenduaren 18an, 20:15ean, Opera 2001 konpainiaren eskutik. Hala, Yeonjoo Park soprano korearra eta David Baños tenor espainiarra ariko dira oholtzan, besteak beste. Sarrerak dagoeneko salgai daude, udal webgunean.
Operako eta zarzuelako pieza ezagunak oholtzaratuko dituzte Opera 2001 konpainiako kideek. Slhomo Rodriguez izango da musika zuzendaria, pianoarekin. Halaber, Georgiy Sokolov biolin-jolea ere hor izango da, baita Coro Hernandez txelo-jotzailea ere. Nabarmentzekoa da, gainera, Yeonjoo Park sopranoak 100 Anni Puccini saria jaso duela Parman (Italia).
Sarrerak, esan moduan, salgai daude, 25 eurotan, eta honako bide hauek erabili daitezke horretarako: udal webgunean, ozenkielkartea@hotmail.es helbidera idatzita edo Altuna lurrindegian.
