Ereindajan Arrasatetik, azaldu dutenez, herritik eta herriarentzako aritu dira lanean, Debagoieneko lehenengo sektorea sustatzeko, biziberritzeko eta indartzeko helburuarekin. "Gure bailarako produktuak ortutik etxeko plateretaraino iritsi daitezen lanean jarraitu nahi dugu beste hainbeste urtez. Gu ere bagarelako herriko eragile eta zuoi, herritarroi, elikadura osasuntsua eta burujabea eskaintzea da gure lehentasuna".
Hori ospatzeko, hain zuzen, saski eder bat zozketatuko dute urtarrilaren 13an eta zozketan parte hartzeko txartelak bi eurotan dituzte salgai dagoeneko, dendan bertan.
Esan moduan, ekoizleen zein herritarren ekarpenekin osatuko dute saskia. Beraz, ekarpenak egin nahi dutenak Ereindajan Arrasaterekin harremanetan jarri beharko dira, honako bide hauek erabiliz: arrasate@ereindajan.eus helbidera idatziz, 943 08 04 65 telefono zenbakira deituz edo dendan bertan (Araba Hiribidea 3, Arrasate).
