Zerbimek-ek, Arrasateko mekanizazio konpainiak, eskuratu du Gipuzkoako prestakuntza dualeko enpresa onenaren saria, eta "ohore handia" dela adierazi dute enpresako kideek: "Urte asko baitaramatzagu ikastetxeekin elkarlanean, batez ere Bergarako Miguel Altuna lanbide heziketarekin, eta ikasle asko igaro dira gure enpresatik; are gehiago, horietako batzuk gaur egun hemen dabiltza lanean". Horrez gainera, erantsi dute "harro" daudela, Confebask-ek tamaina erdiko enpresa bat saritu duelako, Gipuzkoan handiagoak diren enpresak egonda ere: "Horrek indartu egiten du lan-merkatuaren benetako beharrekin lotzen duten hezkuntza-eredu berritzaileen aldeko apustua egiten dugula, ondoren gazte-talentua garatzen laguntzen".
Hain zuzen ere, 31. aldia izan du Confebask antolatzaile duen ekitaldiak, eta Bilboko Euskalduna Jauregian egin dute. Hainbat enpresaren lana aitortu dute, eta, Zerbimek-en kasuan, Adegik proposatuta jaso du saria, Gipuzkoako patronalak.
