Magala espazioa ez da soilik Arizmendi Ikastolako komunitateari zabalik egongo. "Leintz bailarako herritarrei irekita egongo den eskaintza izango da", azaldu dute ikastolatik. "0-2 adin tarteko haurrei eta haien familiei zuzenduta egongo den zerbitzua eskainiko du, beste familia eta haur batzuekin interakzioan goiza pasatzeko aukera eskainiz".
Honako hau eskainiko du Magala espazioak: familientzako espazio bat, estalia eta adin tarterako egokiak diren material eta baliabideez hornitutakoa; familientzako akonpainamendua eta aholkularitza; familientzako formazioak; eta haurrentzako saio eta tailer espezifikoak.
Informazio gehiagorako, idatzi mezu bat magala@arizmendi.eus helbidera.
