Lagun talde batek antolatu du hitzordua, 80ko hamarkadan galdutako lagunak gogoratzeko: "Bi urtetik behin egiten dugun ekitaldia da, tradizio luzekoa; Jabi Destruye donostiarra hasi zen kontzertu hori antolatzen hainbat tokitan, hala nola Donostian, Andoainen, Arrasaten... eta ohitura hori mantentzen dugu hemen", adierazi du antolatzaile-taldeko Iker Barandiaranek.
Hala, eten baten ostean, Arrasateko The Potes taldea oholtzara itzuliko da. Gasteizko Zero taldean ere badaude ezagunak, hala-nola Txerra Bolinaga eta Jon Zubiaga Osoron. Eta Chuleria, Joder!-ek ere ez du aurkezpen handirik behar; Bizkaiko Ezkerraldeko bandak behin baino gehiagotan astindu ditu gaztetxeko zimenduak.
