Valentzian DANAk kaltetutakoei laguntza biltzeko ekimena abiarazi dute gaur, domeka, Arrasaten. "Astelehenetik eguaztenera egongo gara materiala biltzen. Furgoneta bat alokatuko dugu eta eguenean eramango dugu jasotako guztia geuk Valentziara. Han ditugun lagunen bitartez egingo dugu banaketa kaltetuen artean eta furgonetan joango garenok domekara arte geldituko gara han, laguntzeko", adierazi du Juan Luis Merinok.
Bilketa egunak
Astelehenetik eguaztenera egingo dute produktuen bilketa. Ezker Kultur Gunean egingo dute, Aldaia kaleko 9 zenbakian, 17:00etatik 20:30era. Bildu gura dituzten produktuak dira: ura, umeendako esnea, pixoihalak, eskuoihal higienikoak, norberaren higienerako produktuak, animaliendako janaria, maskarak, lanerako eskularruak eta lanerako erremintak, palak, adibidez.
