Hiru pilota partidu jokatuko dira Uarkapeko ekitaldian. Bertan arituko da profesionaletan debuta egin berri duen Ander Murua arrasatearra, B Serieko lau t'erdiko final laurdenak jokatzen, Asier Agirreren aurka.
Ondoren, partida nagusia lau t'erdiko Eusko Label Txapelketako final laurdenak izango dira. Final laurdenetara nortzuk pasako diren asteburu honetan jakingo da, jokatuko diren emaitzek erabakiko baitute.
Eguneko norgehiagokari hasiera emateko binakakoan arituko dira Dario eta Gabirondo, Zabala eta Erostarberen aurka.
Sarrerak Taupa eta Buenuena tabernetan
Partida ikusteko sarrerak salgai daude dagoeneko Taupa eta Buenuena tabernetan 20 eta 25 eurotan. Lehen partida 17:00etan hasiko da. Arrasateko Udala laguntzaile izango da.
