Goizeko hamaiketan Abaroa abesbatzaren kantuekin hasi da ongietorri instituzionala eta bertan izan dira, besteak beste, Gipuzkoako Erretiratu eta Pentsionisten elkarteko presidente Felix Elkoroiribe, Maider Morras Arrasateko alkatea eta udaleko ordezkariak nahiz Gipuzkoako Foru Aldundiko Zainketa eta Gizarte Politiketako diputatu Maite Peña. Ekitaldia aprobetxatu dute Arrasateko Abaroako nahiz Gipuzkoako Erretiratuen eta Pentsiodunen Federazioko presidente-ohi Jose Riviereri omenaldia egiteko.
Zazpi kilometroko ibilbidea zuten aurretik, eta herriko plazatik garbingune aldera hartu dute, eta handik Monterron parkea zeharkatu ostean, Biterin zeukaten anoa gunean egin dute geldialdia, eta txistulariek girotu dute atseden unea.
Handik Musakolako kiroldegirantz hartu dute, han egingo baitute bazkaria.
