90 urte beteko dira urrian 1934ko iraultzatik, eta hori gogoan izan gura izan du Deba bailarako Kontseilu Sozialistak. Hain zuzen ere, Celestino Uriarte (Arrasate, 1909-Madril, 1979) arrasatearrari aipamen "berezia" egingo diote gaurko ekitaldian. Saioa hasteko eskerrak eman die Juan Ramon Gariak Deba bailara Kontseilu Sozialista taldeko kideei, eta Celestino Uriarte, Klandestinitatea eta erresistentzia komunista liburuaren gaineko aipamena eginda, dokumentala egiteko hasierako prozesua izan du hizpide. Dokumentalaren amaieran, berriz, hitza hartu du Garaik.
Kulturateko areto nagusian Juan Ramon Garai berbetan.
Celestino Uriarteren ekarpena berbagai
Arrasatek izan duen borrokalari komunista eta antifrankista handienetako bat izan zen, eta 1934ko greba iraultzailean ez ezik, Gerra Zibilean, gerrako euskal iheslarien antolaketan edota erresistentzia komunista klandestinoan aritu zen, eta beharrezkotzat jo dute gizarte aske baten alde egin zuen ekarpena Arrasatera ekartzea.
