Gaur hasi eta ekainera arte, eguenetan egingo dituzte Auzoko egitasmoaren baitako saioak, Ekin Emakumeak Elkartearen lokalean, 10:30ean. Ordubeteko saioak izango dira eta helburu nagusia da euskaratik urrun bizi direnak euskarara gerturatzea, "herritar guztion arteko kohesio eta komunikazio-hizkuntza euskara izateko".
Euskarara lehen pausoak eman nahi dituzten herritarrak (auzokideak) eta bide horretan laguntzeko prest dauden euskal hiztunak (auzotarrak) elkartzen dira saioetan. Ariketa erraz eta dinamikoen bitartez (jolasak, abestiak, bisita gidatuak, herriko egitasmoetan parte hartzea…) jatorri ezberdinetako herritarren arteko harremanak sustatu eta euskarazko oinarrizko hitz eta esamoldeak lantzen dituzte.
Esan moduan, izen-ematea zabalik dute, 651 70 79 36 edo 943 79 83 70 telefono zenbakietara deituta.
