Moztuko dituzten zuhaitzak ustelduta dauden bi makal direla adierazi dute udal ordezkariek eta, teknikarien arabera, arriskua dute haize bolada batekin bidegorrira edo fabrikako instalazioetara erortzeko. "Orain 4 urte beste makal zahar bat errekara erori zen, nahiz eta kalterik ez zuten sortu", adierazi dute teknikariek txostenean. Ondorioz, mozteko erabakia hartu du Udalak, eta horretarako baimena eman dio Eusko Jaurlaritzako URA agentziak.
